الجمعة، 8 أبريل، 2011

جولة إلى سبينس



يوم الإثنين سرت " سبينس " أشتريلي أغراض و براويكم الأشياء اللي خذتها طبعا بعرضلكم الأكل .. 


إشتريت ماي غازي، و لو ما شتريته لأني ما شربته، بس إحتياط..



 كورن فلكس، أحب أجرب دايما نوع يديد .


 يحتوي على ألياف عالية و نسبة السعرات قليلة ..


أهم شي مجلاتي المفضلة بس ما لقيت " shape " ما أعرف ليش مب موجودة ..


خذت نوعين سناك


النوع الأول كاكاو و لذيذ ما توقعته جي يكون ..



أما الثاني زنجبيل، أنا دايما آخذ النوع الثاني كاكاو مع زنجبيل، لكن هالمرة قلت خل أجرب شي يديد ..



هالخبز وايد أحبه يسمونه هم خبز " أوميجا 3 الصحي " 



هالروب الصراحة شفته في the biggest loser ياكلونه، و قلت خلني أجربه، و عجبني ..


خضرة 




خذته حق الغدا الحلو إنه مافيه وايد نسبة كالوري يمكن 100 جرام 200 شي جي، زين أنا أهم شي عندي الغدا إني آكل هههه ..



بلوبيريز أنصحكم تاكلوونه كل يوم و بالذات قبل التمرين وشوفوا بطنكم كيف بيتغير بعدين ..




هالجبن دووم يخلص، يوم سرت المرة الثانية ما لقيته 0 فات ..





آيس كريم .. أحب شركة ويت روس لأنها وايد تركز على الدهون و السعرات الحرارية و شوفو كم سعرة حرارية فيه ..



41 


و بدأ الطبخ ..



تدرون خليته على البخار و نسيته و إستوى لوونه يلوع الجبد .. 
بس يالله المهم إنه طعمه لذيذ لو شكله ما يشجع ..



أهم شي هالأشياء عندي 






و أخيرا الروب و طعمه حلو ما توقعت جي




حلاته اليوم يمضي و أنا أحس كل اللي يدخل أكلي صحي مب يتحول إلى سم ..

هناك 9 تعليقات:

Hanan يقول...

بالعافية إن شاءالله
حبيت مدونتج:)

AM.SA.CHANNEL يقول...

الله يعافيج حنان

DoDoq8 يقول...

"حلاته اليوم يمضي و أنا أحس كل اللي يدخل أكلي صحي مب يتحول إلى سم"

حبيت هلجمله وانا معاج شعور جدا جميل

قاعده اكلمج واكل روب اكتفيا عليج عجيب يهضم

وشوقتيني اروح اتسوق واشتري لي اكل صحي

ثانكس

علايه يقول...

بالعاااافيه عليج

حبيت الأغراض اللي خذتيها

باذن الله يوم يوم نظامي بيتغير عقب تثبيت وزني ، بخذ من هل الأغراض اللي خذتيها

و الكاكاو هذا مالهم لو فات؟

AM.SA.CHANNEL يقول...

DoDoq8

هي و الله يومج يمضي و جسمج تغذى صح ..
ماشاء الله، شاطرة زين تسوين، دوم أبا أجربة بس ما اعرف ما جربته، المرة الياية يوم بسير باخذ منه و بجربه ..
يالله سير و إشتريلج و ركزي على الأخضر ..
العفو
---------------------

علايه
الله يعافيج ..

هي على كل بار يمكن 120 زين ك سناك ..

bent el deera يقول...

حبيبتي الله يوفقج واتنزلين الوزن بصحه وعافيه

استفدت من هالبوست وان شاء الله اروح اشتري من المجلات اللي شريتي منها .. انا اشتري عاده cookinglight
وهي مجله حلوة ووصفاتها متنوعه وبجرب اغير

جبن بريزدنت ينن انا وايد احبه والكالويز اللي فيه شويه بس للاسف مو دائما موجود

شوقتيني انزل بوست عن مشترواتي الرجيميه ببلوق الرجيم

http://meondiet.wordpress.com

AM.SA.CHANNEL يقول...

بنت الديرة

و أخيرا لقينا مدونة تساندنا ..
حياج الله ..

يالله إشتري و خلينا إن شوووف، زين بدا الحماس ..
و هالجبن أنا بعد مب دوم ألقاه الحين قلت باخذلني مرة وحدة حق شهر، أنقهر يوم يخلص ..

و إن شاء الله بكون من متابعينج ..

خاتون يقول...

السلام عليكم...
بصرلااحة شوقتيني على الأكل الصحي
مع أني معروفة أني كله ضده

بديت آكل سلطات من وراج يعني فدتيني
مع أني ضعيفة نسبيا بس يمكن راح أختفي
خخخخ ... موفقة حبيبتي

وكملي المسير قاعد نستفيد ^_^

AM.SA.CHANNEL يقول...

خاتون

و عليكم السلام

يا هلا و الله هههههه و الله إنتي تظحكيني ..

و الله زين يوم تاكلين سلطات، إستمري و كلي أحسلج ... أنا أبا آكل سلطات أترس الصحن و آكل لكن دوم آكل عادي ف أسوي عصير خضرة هههههه شو أسوي مضطرة بس على فكرة العصير حلو مووول ما توقعت جي طعمة ..

بس ترا السلطة ما بتضعفج زينه، على الأقل بتعطيج قوة و صحة و فيها فايدة و يهج بيتغير للأحسن ..