الأحد، 24 أبريل، 2011

RPM







RPM هو عبارة عن قيادة دراجات هوائية ثابته بقيادة المدربة أو المدرب، و يقوم بتوجيهك و تشجيعك و القيام بمثل حركاته..


أنا حقيقة لم أتوقع أن يكون بهذه الصعوبة، و قد إستهنت بهذه الرياضة، و دخلتها، على أساس أني سأجلس و سأحرك رجلي لمدة ساعة فقط،  و لكن لم أتوقع أن أتصبب عرقا، و أتعب بهذه الصورة فكنت حقا مرهقة و كان بطني يعتصر كلما قمت بتحريك رجلي، و بالذات عندما أقود الدراجة و أنا واقفة..


و لأن بعد كل أغنية يصعب فتقوم بشد العجلات و تصبح أثقل بالذات عندما تقف و أنت تقود الدراجة الهوائية.




 الجميل في هذه الحصة الرياضية، أن المدرب يجعلك تعيش جو من الخيال، كأن يقول لك نحن الآن سننطلق من دبي إلى العين أو الفجيرة، و عند الوصول مثلا إلى العين سنقوم بركوب الجبل، و عند الصعود تقوم المدربة بدفعنا بقوة حتى نصل إلى القمة و بعد ذلك نبدأ بالهبوط و تكون سرعتنا أقوى و نقوم بالتخفيف على عجلات الدراجة الهوائية، و هكذا .. 








هذه الرياضة مفيدة جدا لكل من يريد أن ينقص وزنه، لأنك تحرق في الحصة الواحدة 1000 سعرة حرارية و هذا أمر رائع لأن الحصص التي ندخلها عادة تكون بين 500 و 700 و أنت في هذه الحصة تقوم بحرق 1000 و أنت جالس، و لكن لا تستهينوا بالجلوس مثلي لم أتوقع أن يكون متعب و لكن كان ممتعا في نفس الوقت.


و إذا قمتم به كل يوم وزنك ينزل إسبوعيا بمعد كيلو واحد كل إسبوع، و هذه الرياضة مفيدة جدا للمنطقة السفلى أي من البطن إلى الأرجل، و ستلاحظون 
منطقة البطن تتغير بعد حضور أكثر عن حصة.. 





هناك 11 تعليقًا:

خاتون يقول...

السلام عليكم...

روعة Nice
أحب الرياضات اللي فيها تعب بعد الرياضة
أحسه sweet pain
وحدها يشوق ما أدري إذا عندنا هالسوالف
أنا ودي أشترك بنادي من باب التسلية ولمقاومة الشيخوخة هههههههه لا بس من صج الرياضة تحمي من أملااض كثيرة غير السمنة و تنشط حيل

شكرا على اطلاعنا
على هالنوع من الرياضة ^_^

AM.SA.CHANNEL يقول...

خاتون

و الله شاركي، صدق حياتج تتنظم مع الرياضة، و حتى التفكير يتغير واايد .. و لا تنسين نسبة الأوكسجين اللي تدخل جسمج..

أنا لاحظت على نفسي غير، إستويت وايد أهتم و أحب اسويلي جدول يومي و إستويت ما أحب وقتي يضيع على الفاضي، و حتى الموبايل اللي كنت وياه 24 ساعة إستويت ما أشتهيه أحسبه ممل ...

و جربي السيكل بتحبينه، أنا قبل ما أحب ألعب في النادي سيكل بروحي بس لما دخلت مع المدربة حبيته وااايد .. صدق يحرق من الخاطر ..

و مشكورة على الرد

علايه يقول...

مرحبااااا

أحس من زمان ما دخلت البلوق مالج،الصراحه افتقدته، أول شي بخبرج عن رجيمي، وقفته، لني ما اتحملت رجيم البروتينات، لانه النظام اليديد 4 ايام بروتينات و 3 نظام فيه كل شي، حاليا اسوي دايت بروحي، و باذن الله برجع للرياضه،بس حابه أقولج شي، الصراحه أنا اسير النادي و امشي على المشايه و مذا جهاز، ونادر ما اعرق،هل معناته اني ما ابذل جهد كفايه؟

AM.SA.CHANNEL يقول...

علايه

مرحبتين .. شحالج، إنتي وينج من زمان مالج حس و لا خبر إختفيتي فجأة .. من كم من يوم على بالي أقول وينها أخاف إلا خربت رجيمها ههههه .. و طلعتي موقفه ..
أنا بقلج الصراحة رجيمج كان قاسي يبين .. و إنتي حاولي تسويلج نظام يديد تقدرين تعيشين عليه .. أول شي تسوينه ك بداية حلوة لج لو تشربين حلول، لأنه أنا عندي السموم إذا تمت تطلع من الجسم هذا أحسن شي، و ثاني شي حاولي تحبين كل شي طبيعي .. و تعيشين على الأورجانيك بتلاحظين كيف جسمج يتغير للأحسن و نفسيتج تتغير، و إنتي تحتاجين تسوين رياضة لازم تاكلين و ما تحرمين عمرج و لا ما بترومين تسوين شي أصلا ..

أما عن سيرتج للنادي، و ليش ما تعرقين جاوبيني على هالأسئلة أول شي

1. كم تاخذين و قت وإنتي تمشين على المشاية؟
2. و على أي رقم تحطين عشان تمشين 4 أو 5 ؟؟
و إنتي تشربين ماي أو لا؟
أما عن التعرق، هو يفضل تعرقين، لأنه كلما عرقتي أكثر كلما حرقتي أكثر .. شوفي أنا اشبه العرق شرات الجدر اللي تصبين فيه ماي كل ما فار و طلع منه بخار كلما بدا يقل الماي اللي في الجدر ، و الجسم نفس الشي، كلما عرقتي كلما ذوبتي الدهون و حرقتي أكثر .. بس انا كنت أمشي على المشاية و المشاية تأثيرها تقريبا بعد 20 دقيقة إذا كانت السرعة قويه .. أنا عشان جي أبا أعرف إنتي على اي رقم تحطين و كم تاخذين من الوقت على المشاية ..

شوفي أهم شي إنه دقات قلبج تسرع و يكون الشهيق و الزفير عند سريع .. و يحرق الجسم و بعد هذا يبدأ العرق.. بس مب معناته إنج ما تعرقين ما تحرقين، لا بالعكس كل حركة تقومين إبها تحرق ..

DoDoq8 يقول...

وناسه ياريت عندنا نادي فيه هلنوع من الرياضه

تصدقين انا مثلج وايد استهين بجهاز القاري

AM.SA.CHANNEL يقول...

DoDoq8

RPM أكيد موجود عندكم بس ما أعتقد كل النوادي تعطيه لأنه أحس يحتاج مساحة و غرفة مخصصة له ..

هي و الله أنا إستهنت فيه لكن طلع واايد زييييين وااايد وااايد بعد ..

meondiet يقول...

اعتقد يسمونه عندنا سبيننغ كلاس
وصج يتعب حيييييل
انا بعد ما تخلص تلقيني طايحه على الارض ادور ماي ههههههه

شوقتيني على ايام النادي كان صج وناسه

علايه يقول...

والله ياختي، تراني قبل كنت أدخل البلوق من نت الدوام و عقب مادري ليش ما قام يفتح، عشان جيه ما قمت أدخل، و احس يوم خربت رجيمي، مالي ويه أكتب شي،ههههه

المهم ، عن المشايه،انا امشي 30 دقيقه و اسرع ما بين 4.5 الين 5 ، وما أزيد أكثر عن جيه،و اشرب ماي وايد

AM.SA.CHANNEL يقول...

meondiet

هههههه هي متعب واايد بس حلو في نفس الوقت، بس يمكن مثل ما قلتلي المسمى عندكم غير، لأنه هالنادي يمشي على كلاسات les miles ف عشان جي ..
و الله ردي للنادي، على الأقل كل يوم تحركين جسمج .. من غير النفسية تتغير ..

-------------------------

علايه

بالعكس عادي المفروض تقولين و تفضفين، و مب يعني خربتي يعني فشلتي، عادي اليوم خربتي باجر كملي ما فيه شي، مثلا أنا اليوم ما آكل شيبس لكن اليوم كلت 4 أكياس شيبس عمان، و الشيبس أنا أحاول أبتعد عنه في نسبة دهون عاليه و أنا أتعب ويا الدهون عشان جي، و بالعكس كلما تغلطين هذا لا تعتبرين فشل إعتبريه درس، و إنتي قاعده تتعلمين ف لا تيأسين .. المهم إنج إتابعين و تكملين المشوار و لا تنسين في شخص حاط الأمل فيج في الدوام .. كوني إنتي الهدف ..

و عن المشاية .. لازم تزيدين السرعة ..
أول 5 دقايق إمشي على رقم 3 ورم آب بعدين 5 دقايق على 4 و عقب 5 دقايق خليه على 5 هاي أول ربع ساعة الربع الساعة الثانية لازم تسوين تحديبين 5 و نص و 6 و 6 و نص لازم تسرعين ريلج و آخر 3 أو دقيقتين دقايق إجري حطي على 7 أو 6 و نص على حسب قدرتج ..
لأنه إنتي عندج نص ساعة و في هالنص ساعة لازم تعرقين عشان تحرقين أكثر .. و زين إنج تشربين ماي واايد هذا أهم شي، بالذات يوم تسوين رياضة ..

إنتي جربي طريقتي و خبريني

علايه يقول...

إن شاء الله باجر برد النادي و بتبع طريقتج و بخبرج بعدين بالتطورات، صارلي فتره طويله ما سويت رياضه، الزومبا بس سويتها مره و ما رمت أجاريهم

غير معرف يقول...

I hаve rеad so manу сontent concernіng the blogger
lovers hοωever this paragraph іs аctually a good aгticle,
keep it up.

My web blog ... http://www.videoclubdigital.com/