الأحد، 21 أغسطس، 2011

مفعول الصدمة


السلام عليكم ..

شخباركم و شو رمضان وياكم .. ؟؟

و شو الصيام وياكم ..؟؟

أعرف إني قاطعة، بس و الله أحس ما أقدر أكتب إذا أنا ما ألتزم بكلامي ساعات، ما أدري شو إستوالي الفترة الأخيرة، أنا ما كنت جي لكن ما أعرف شو السبب، إستويت وايد أرتبك يوم آكل سويتات،  وايد أحاسب على أكلي بزيادة، و قبل ما كنت جي، كنت إذا إشتهيت شي كلته، بمقدار، الحين إذا كلت شي حسيت بتأنيب الضمير، ما أعرف شو إستوابي ..
بس الحين بديت أرد نفس ما كنت بقلكم كـــيف .. طاعوا سبحان الله، تحيدون يوم قلتلكم في البوست اللي طاف وزني مووول مب طايع ينزل و ما عرفت شو أسوي، و قالتلي المدربة لازم تحطين مدربة و تسوين صدمة لجسمج ..

جان أقول ليش ما أسوي صدمة لجسمي بس عن طريق الأكل أجرب، و أنا حاجزة مدربة بعد رمضان ..

يقولكم على الفطووور كلت و خبصت و بعد الفطووور كلت سويت و أنا دوم آكل موالح عقب الفطور يعني حب أو مكسرات لكن ما أشتهي سويتات ..

هالمرة سويت العكس .. تدرون عقب يومين إنصدمت من شفت وزني نزل كيلوا
و قلت خلني أستمر هههههه و نزل وزني على الكيلو كيلوين ههههههه
إستانست عيبتني السالفة بدال ما أوقف أثبته شو سويت قمت كملت ههههه يوم رديت أوزن رد وزني نفس ما كان ..

بس الصراحة إستغربت من هالشي، و الحمد الله أحس تعلمت شي، قبل وايد كنت أحاتي إنه وزني ما ينزل لكن الحين عرفت اللعبة و يا هالجسم، يتحسب عمره أذكى عني لازم أنا أسويله صدمات عشان يتأدب هههههههه ..

على فكرة يوم أقولكم البنطلون الضيج في البوست اللي طاف، ترا الحين يدخل لكن عقب ما زاد الوزن ما جربته هههههه .. أخاف أنحبط مافيه ..


و يالله إن شاء الله ما أقطع و أرد على إيميلاتكم ..

و شكرا لكل اللي سأل

الجمعة، 12 أغسطس، 2011

صدمة ما بعدها صــدمة





ما تدروون كيف مقهوورة، لكن الحمد الله إني عرفت الحين بدال ما أتم جي .. 


أنا الحمد الله منبدا رمضان و أكلي منظم و ما أودر الرياضة أسير اسوي رياضة قبل الفطور.. و حتى لاحظت الجسم يتغير أسرع في رمضان و تحرقون أكثر، و سمعت مرة دكتور يقول، اللي يبا يسوي رياضة في رمضان يسوي قبل الفطور لأنه نسبة السكر تكون نازله في الجسم و يوم يسوي رياضة فهو هني مايحرق سكريات أكثر يحرق الدهوون أكثر .. طبعا لا تسوون في رمضان رياضة عنيفة تكون رياضات خيفية كالمشي و الهرولة لكن إذا جسمكم ممكن يعطي مافيها شي .. 


المهم الحين بقولكم شو السالفة، أنا مب عارفة شو سالفة وزني تقريبا من 4 إلى 3 شهور مب طايع ينزل و أنا أصلن ما أخبص ولو خبصت بخبص مرة في الإسبوع أو إذا كنت طالعه مع  ربعي ولا أكلي زين معتدل .. و بالذات في رمضان الحمد الله أول رمضان يمر عليه و أكلي زين لا تخبيص ولا شي .. لكن على هذا كله وزني يا نااااااااااس مب طايع ينزل .. 


و طاعوا الصدف، أنا كنت سايره النادي ولابسة كنت بنطلون وسيع شوي، فالمدربة قالتلي إنتي متنتي شوي إنصدمت يوم قالتلي قلتلها لا ما متنت و أنا ما آكل وايد و نزل كيلوا و رد نفس الوزن شو السبب ما أعرف لكن ثابت مايتحرك مووول ..  عذبني .. 


جان تقولي جسمج ما بينزل لين ماتسويله صدمة .. أنا إستغربت شو يعني صدمة، قالت يعني جسمج خلاص تعود على نوعية الرياضة اللي تسوووينها الحين جسمج يحتاج صدمة رياضة غير عشان يتفاجأ و ينزل و هالشي ما بيستوي إلا مع مدربة..  


و أنا الصراحة إنصدمت ما كنت أعرف بهالشي لازم أصدم جسمي .. !! و إنشاء الله يتقبل الصدمة و حددت معاها شهر 9 نبدأ .. 


يا حلوين اللي ملاحظ إنه ثابت و مايتحرك و يحاول دوووم، يصدم جسمه هههههه مثل ما بتصدم جسمي .. 


و أنا طبعا قلت ما بتريا لين شهر 9 من الحين ببدأ أصدم جسمي .. 












وحطيتلي هدف بعد 15 يوم، مب هامني الوزن الحين، عندي بنطلون ضيج من فوق مايبند، أنا بعد 15 يوم لازم أخليه يبند على الأقل لو عقمه وحده و من اليوم ببدأ بصدم جسمي .. 


منو حاب يشاركني و إنشوف شو بيستوي بعد 15 يوم، و عندكم يوتيوب اللي حاب يدورله تمارين هو مب متعود يسويها .. 


أو يسوي هالتمارين بنشوف الجسم بينصدم أو لا ؟؟

الثلاثاء، 2 أغسطس، 2011

Baaaack

إسمحووولي على الإنقطاع ...

وايد أشياء إستوت و ما فضيت شي على شي .. لكن إن شاء الله يعجبكم كولكشن رمضــــــان  ههههههه .. و ببدأ أكتبكلكم اليوم .. خراااريفي . و سوالف رمضان و يبالنا نتكلم على الرياضة .. في رمضان اللي عنده أي معلومة يفيدنا ..

و علىف كرة علاية و أخيرا كتبت في مدونتها، لكن المشكلة ما أعرف ليش يا علاية ما نقدر نعلق على مووااااضيعج عدلي الإعدادات عندج