وهزيت الكيلو

الكيلو و أخيرا بدا يهتز هز، بدا يعلن إستسلامه، صح إنه هو نفس الرقم ثابت لكن، الرقم اللي بعد النقصة تغير بس باقي 2 جرام و أحطمه ..


صح إنه ما نزل لكن أنا مستانسة لأنه الكيلو بدأ يظعف، و أنا الحبيبة خبصت يوم الخميس و الجمعة، لأنه مرت ولد خالي مربي و عندها في المستشفى، و يغصبونك على الأكل، و ساعات إييني فضول و أقول خل أشوف شو ها، و يوم الجمعة انا الذكية، ما تغديت، و هذا أخطر شي يوم تعدون وجبة من الوجبات الرئيسية، لو ناكل شوي، نحس بعدنا يوعانيين، و تخيلوا رديت البيت عنا عزيمة على العشا و جربت هذا و هذا ههههه ..  أنا اعرف إنه هاليومين إلهم أثر على الجرامين لكن المهم إني هزيته، و عاقبت عمري يوم السبت، و أصلا كنت زايغه إني بوزن الأحد هههههه بس عاقبت عمري كيف سويت إكسترا رياضة ههههههه .. عشان أتعلم ..


تحيدون الإسبوع اللي طاف قلتولي العضلة، و أنا قلتلكم لا، و هي أصلن مب العضلة، العضلة بدت هالإسبوع، يوم أدق مناطق في جسمي أحس بتكوين العضلة ..


هالإسبوع تعلمت وايد أشياء من هالأشياء ..


1. حاسبوا تودرون الوجبات الرئيسية، منا يفتكر إنه إذا ودر وجبة ممكن يضعف، بالعكس بيلقط كل شي جدامه و هذا هو أخطر شي، التلقيييط هو سبب المتن عنا، نقول لا شويه و نحنا ما نحس بالسعرات الحرارية اللي تدخل الجسم و الدهون و السكريات ..
ليش سموها رئيسية لأنها صدق رئيسية إذا ودرناها إخترب كل شي ..


2. صح ما نزل الكيلو، لكن الكيلو يالس يهتز و نزلت جرامات و باقي 2 جرام بس، لكن أن أحس عمري هالإسبوع غير سويت شي حق عمري، أدائي الرياضي تغير بدأ يتحسن يوم عن يوم، حتر رقادي تغير، إستويت أرقد من وقت و أنش من وقت الحمدالله ..  حتى أكلي تغير للأحسن واايد بديت أهتم بأشياء ما كنت أهتم فيها، بديت أتعلم كل شي يحول الأكل اللي أحبه إلا أكل صحي ..


3. لازم مب كل شي جدامي أجربه، صح أنا قلت التجربة حلوة المرة اللي طافت و الواحد لازم يجرب، لكن اللي أقصد مب أي شي جدامي أجربه مثل اليمعة لما نتيمع يقولوك جرب هذا و جرب هذا و نحنا نعرف إنه هالشي يدخل الجسم مافيه فايدة، مب مشكلة بجرب  نوع أو نوعين بس مب أكثر لو جربت اكثر بتجرب كل شي و هذا هو الغلط، لازم نتعلم إتيكيت التذوق مب كل شي جدامنا إطعمناه، يعني لو جدامك سم بتاكله طبعا لا بتشلون يدكم منه، و هذا اللي نحنا إنجربه عبارة عن سم يتحول إلى سكريات، وبعدين الكل يعرف الأمراض اللي تي .. أنا مب مطرة آكل كل شي جدامي " لازم أتعلم كلمة "" لا "" "

4. لا أعذار بعد اليوم، عطيت عمري عذر الخميس و الجمعة لو ملقطة شوي بنقول، لكن أنا كنت اللي القطة كله " FAT " ههههه و الله اليوم بان عليه في التمرين بطني عورني بس قلت برايه عشان أتأدب هههه