الأحد، 5 يونيو 2011

اليوم الرابع

السلام عليكم .. شحالكم ... 

قلبي يعورني على جربوووبي أحسبهم تعبوا و عانوا و اللي طلع من البرنامج .. أعرف إنه صعب بس يالله شو بنسوي . المهم إني أخلصه و اللي يقدر يكمل يكمل، عشان تعرفون النتيجة .. !! 

بخبركم عن ريوقي ..  مع إني مصورة لكن متهايزة أنزل و فيه رقـــــــــــــــــاد .. 

المهم ريوقي كان عبارة عن كورن فليكس ويا حليب الصويا و عسل، و كلت بيضة و موز .. 

بعدين سرت النادي  .. 
و بعد ما خلصت من التمارين كلت سليس خبز أسمر فيه جام  ..!! 

و الظهر تغديت من سب وي، خذت خبز أسمر و طلعت عندهم خبزتين للفيجيتيريان الأسمر و الإيطالي .. بس فضلت الأسمر و عندهم هالخضرة اللي مسوينها للفيجي .. 

و العصر نشيت و طلبت من ستار بوكس هوت جوكليت بحليب الصويا .. بس عقب ما شربته ما أعرف هل هذا الجوكليت فيه إضافات حليب أو بس شوكليت .. المرة الياية قلت ما بطلب هوت جوكليت لين ما أتأكد بنفسي .. 

و تعشيت اليوم خبز سليس مع خضرة و بيض .. و شربت كوب حليب الصويا .. 


و تصبحـــون علــى خـــــــــــــير


هناك 5 تعليقات:

غير معرف يقول...

بالعافيه حبيبتي
وانا غيرت رايي وان شاء الله بتم على النظام

علايه يقول...

ما شاء الله عليج

الله يقويج

أنا ، نص نص، يعني فكل يوم أخرب في شي، بس الصراحه تعبت منه، الصراحه المشكله الأساسيه اني ما اشتريت الأغراض حق الدايت و اعتمدت عاللي موجود فالبيت

كل مره اقول بروح ، بس للاسف انشغلت وايد، خاصه انه عندي امتحانات الفاينل

بس عندي خبر حلو

نزلت كيلوين ونص ^_^

مع انه ما التزمت 100%

و استانست واايد، لنه من عقب دايت البروتينات اللي سويته من شهرين تقريبا، وزني كان ثابت و ما يطيع ينزل

مس شانيل ، حصلت وحده في يوتيوب اسمها شانتي ، حاطه يومياتها فالدايت، الصراحه كلامها وايد يرفع المعنويات، هذا اللينك مالها

http://www.youtube.com/user/antishay

AM.SA.CHANNEL يقول...

مي أون دايت ...

زين يوم رديتي و ما إستسلمتي الحمد الله لو تخبصين كملي و إمشي على النظام الثالث .. المهم تخلصين 7 تيام ..

----------------

علايه

ترا هالنظام تحسين يباله دراسه قبل لا تسوينه، عشان ماتفقدين الفيتامينات و المعادن، يحتاج تخطيط شو تاكلين و شو ما تاكلين و كيف تعوضين .. !!

بس الحمد الله نزلتي كيلوين وااايد زين، تدرين يمكن لأنج ودرتي الزبد، أنا نزلت كيلو من هالنظام، و أقوول يمكن الزبد هو السبب .. و ثاني شي إستويت ما ألقط أي شي .. و بديت آكل سناك و أكثر من الأكل شوي عشان ما أيووع .. و هالنظام إيوع الصراحة ههههه ..

و يالله ما بقى شي .. مي أون دايت باجر تخلص و نحنا نخلص ورا باجر و كل وحده تكتبلي تجربتها و شو حست ..

.. الحين بشووفها، أحب هالسوالف اللي ينزلوون يومياتها على اليوتيوووب و شقى يتخلصون من الوزن

شـــــــــــــــكرا علايه على الينك ..

علايه يقول...

العفو مس شانيل

انا وقفت الدايت، 6 أيام تكفي

الصراحه كان اليوم اخر يوم فاينل فاحتفلت عدل في ريوقي و غداي، بس تدرين حاسه بتأنيب ضمير، بس ان شاء الله بس اليوم هوه يوم مفتوح

فعلا كلامج صح، المشكله من الزبده، أنا الصراحه مدمنه سويت و السويتات بشكل عام متروسه من الزبده،بس من اليوم و ساير ما بكل سويت الا فاليوم المفتوح

AM.SA.CHANNEL يقول...

هههههههه لاا عادي، بس أنا ما باكمل عليه هالدايت، لأنه أحس صدق يباله إهتمام و تتعلمين كيف تاكلين و كيف تعوضين في الأكل أنا قلت بسويه 3 أيام في الشهر ك تنظيف للجسم .. أو حتى يوم واحد .. في الشهر..
لأنه نفس ماقلتلج وااايد يباله إهتمام، و إنتي يوم بتسوين الدايت لازم يكون في نفس الوقت يقوي جسمج و الأكل اللي تاكلينه يمدج بالفيتامينات و المعادن، مب يسببلج نقص، فعشان جي .. أبا أدرس و أقرا في الفيجيتيريان عدل و أبا أتعلم طبخات أكثر .. عشان أقدر عليه مستقبلا..

و مشكووورة علايه