الخميس، 2 يونيو، 2011

اليوم الأول




اليوم الأول 

ماتوقعت إني ألاقي شوية صعوبة، حسيت وايد أشياء ناكلها فيها منتجات حيوانية .. 

الصبح كان ريوقي عبارة عن سليس أسمر مع جبن الصويا مع طماط وسبانخ وبيض، و عصير برتقال، و عقب ما كلت الساندويش تذكرت إني ما صورته .. 

و كلت طبعا الموز و إذكرت و صورت ..



و سرت النادي من وقت قلت بقرالي مجلة و باخذلي كوفي  لين ما يبدأ الكلاس، و خذتلي كابشينوا بحليب الصويا من الكوفي، بس جربوا حليب الصويا من جلوريا جينز حلو ..




الغدا على حظي كانوا مسوين شوربة خضار، و حطيتلي شوربة مع عصير عنب ..



و طبعا الغداء كان فوقة دياي " مجبوس دياي " قمت خذت العيش طبعا و حطيتلي سلطة و سبانخ، و كنت رادة متأخرة البيت ف ماوحالي أسويلي شي .. فقلت الموجود باكلة ..



المفروض أحط هالصورة قبل الغدا، لأني كلته قبل الغدا، و كنت ماخذه كميه عشان نسبة البروتين فيه و هذا طبيعي  عبارة عن فواكه وقمح مثل الكيك طعمه بس وايد مفيد لكن نسبة السكر عاليه فيه هالمشلكة، بس عادي عندي، إذا أنا أسوي رياضة أحتاج طاقة ..


و هذا شكله 


طبعا اليوم في اليمعه عانيت الصراحة، لأنه كل شي موجود مصنوع من الحليب و الزبد، و قلت ما باااااااكل، و طباخة قوم يدو هندية، لازم تسويلنا المغرب جباتي شكر يعني الخبزه فيها شكر و لذذذييييييييذ و كلت حبه .. 



وبوم يا وقت العشا على حظي كل الأشياء فيها منتوجات حيوانية ما عدا الجباتي و السلطة و قمت حطيت بتر جيكن بدون الدياي، بنات خالتي قالوولي ما يستوي لأنه مزت الدياي قلتلهم الصالونه عادي، ما اعرف قلت لقمه و حيبت بتأنيب الضمير قلت ما باكل خلاص .. يمكن صح و زين إني ماكلته، لأنه إكتشف قطع دياي صغار ما تبين  في الصالونة .. و كلت سلطة و خبز بس و عقب هجمت على اليح .. هههههه عشان ما أحس باليوووع 



بس تدروون في شو غلطت، إني اليوم ماشربت ماااي واااايد المفروووض اشرب .. ما أعرف يمكن لأأنه مغيره نظامي و مب عارفه .. 

بس الحين و أنا أكتب هالبوست وااااااااااايد مستانية لسبب إني قدرت أنجز و بنتقل للمرحلة الثانية، و الشي الثاني أحس بعمري خفيفة أنا الحين رادة البيت و مستانسه الحمدالله إني مب حاسه بتخمه من تخبيصات الأكل و أحس معدتي مرتاااااااحة .. الحمد الله .. 

يالله خبرونا عنكم

هناك تعليقان (2):

غير معرف يقول...

علايه

نظامج حلو ما شاء الله

اممممم،انا مستحيه اني اقول الصدق، بسسسسس، انا شويه خربت، اليوم تعشينا في مطعم العراب (لبناني) ، و رمت أقاوم كل شي الا يوم يابوا جبد دياي(كبد)، كليت شويه منه

AM.SA.CHANNEL يقول...

وأنا ليش أقولج كتبي يا علايه في البلوق مالج أحسن و نزلي صور .. !!

و الله حاسه فيج .. البارحة راسي دار أحس كل شي باكله لازم أتأكد شو فيه، و شو الزيت نباتي و لا حيواني .. !! و أحس إذا كلت لازم أتأكد هل هذا يسد جسمي أو لا .. !!

الحين أبا آكل حب عشان الأوميجا 3 .. و المكسرات عشان الدهون اللي فيها .. !!

بس مب مشكله لو غلطتي لا تخربين النظام كملي ..

و حاولي كل يوم تكتبين شو تريقتي و تغديتي و تعشيتي ترا هالشي بيفيدج وااايد ..