الجمعة، 3 يونيو، 2011

اليوم الثالث " الجزء الأول "



الصـــراحة ما بغيت أتريق، قبل لا أقولكم بالنتايج اللي حسيت فيها في اليوم الثالث، و من كثر مب متحمسة ببشركم بأهم شي .. 



اليوم يوم وزنت الصبح، ما صدقت الحمد الله نزل و زني كيلوا واحد في اليوم الثالث .. 

و الصراحة على صعوبة هذا النظام ك بداية، و أنا كنت مكلمه وحده على يوتيوب هي نباتيه، بس هذيج نباتيه من الدرجة الأولى قالتلي إنه بتعب أول فترة و عقب عادي، و أنا كنت أعتقد إنه بيكون سهل ك بداية، هو مب صعب، لكن المشكلة إنه كل شي نسويه في حليب و زبد أو منتج حيواني ونادر إذا لقيت مع زيت بس .. 

و إستويت ما ألقط نفس قبل عادي شفت أي شي جدامي و كلته .. مع إني في هالنظام ما أحرم عمري آكل، هههههه إستويت أيووع حتى لو موزتين كنت آكل .. 


و النتايج اللي لاحظتها، من اليوم الثاني حسيت إني أسير الحمام أكثر من مرة  و خاز عني الإمســاك .. !! و الشي الحلو تحسوون عماركم طوووول اليوم خــفاف ما تحسون بعماركم ثجـــال .. !! تعرفون ذكرني بشو .. نفس الصيـــام شفتوا أول فترة كيف .. ويع راس و لوعه أنا جي حسيت .. !! اليوم الحمد الله أحســــــن .. 


و الصراحة بعد ما شفت إني نزلت كيلوا ... تحمست و تشجعت .. 




و بكل تفاؤل بكمل .. أتريا اليوم السابع و بشوف كيف بيستوي جسمي، و هل في فرق بين قبل و بعد، و إن شاء الله ينزل كيلوا ثاني في اليوم السابع يارب .. !! 
و ما بحاول أقاوم، لا..  إلا بقاوم كل شي فيه منتجات الحليب و المنتجات الحيوانية .. عشان أشوف النتيجة بعد اليوم السابع .. 


و أنا أنصحكم، أعرف كلكم خبصتوا و اللي مستحي يرمس و يقول، كملوا عادي .. شي طبيعي الواحد يخبص، و أنا الصراحة مارووم أخبص أخاف إن خبصت أخرب عليكم، و كم مرة غلطت كنت باكل روب، و أتذكر و أتذكر القروب اللي وياااايه .. إذا ما قدرتوا على الثاني كملوا على النوع الثالث .. !! 


صدقووني بتلاحظون على عماركم غير .. 


و الحين أنا يوعانه بسير أتريق .. و هالمرة ما بنسى بصور ريووووقي .. 


و بالتوفيق للجميع ..

هناك تعليقان (2):

رورو الشخبوطة يقول...

حلو ماشاءالله استمري..

انا كلش ماانفع بهالنظم لانه ماكل خضره وايد :\

ناطره النتيجة..

وموفقه خير :)

AM.SA.CHANNEL يقول...

أنا بعد ما كنت أحب الخضرة وايد كن الحين الحمد الله صرت احب الفواكة و الخضرة