الخميس، 2 يونيو، 2011

مشترياتي للإسبوع النباتي


سوري على التأخير تعرفون اليوم الخميس و يمعة و مالقيت وقت أنزل، لين ما رديت البيت .. 

البارحة سرت تشريتلي أشياء، يعني إحتياط الأشياء اللي ناقصة و يمكن ما ألقاها في البيت .. 

سرت سبينس و تشريت .. 


سبانخ 


كرافس


بروكلي 


موز لازم آكله  على الريوق ، ويوم رديت البيت لقيت كرتون مووز هههه



تفاح أخضر أسويه عصير ويا اليزر


 و يااااااااكم اليزر



هذا كويكر و ممكن تتريقونه أو تتعشونه، و يكون في أكياس، و أحسن يوم يكون مكيس .. وترا وااايد مفييييييد



أعشاب الفواكه، وايد حلو حسيت كأني أشرب جلي 



كورن فلكس 

هذا الخبز مافيه لا حليب و لازبد .. خبز أسمر


أحب هالزيت خذته، ما أعرف شو إسمه، مافيه كولسترول






جام عنب وااايد حلو ..

جبن بحليب الصويا..


خذت حليب صويا واحد بالفانيليا، و الكاكاو و الثاني حليب العيش ..


هذا عيبني لأنه في نسبة بروتين تقريبا 6 جرام، بدال الكاكاو .. و مافيه حليب أو منتوجات حيوانية ..


عصير

هذا عبارة عن زنجبيل فيه شكر، واايد حلو بعد، بدال الحلاوة ..



عيش أسمر مخلوط بعيش أسود، قلت أبا أجربه



هناك 4 تعليقات:

maha يقول...

الصراحه شغلج كله حلو والاشياء كلها مفييده بس يعني كلشش ما ناكل لحووم انا ادري انها مضره بس همن اتوقع لازم تاخذ مجال لجسمنا واللي انتي شرايج

ثانيا شنو هاذا اللي يم الميني الذره شكله يشوق

وشكرا على الريفيو الطيب

AM.SA.CHANNEL يقول...

Maha

هي اللحوم وايد فيها فوايد، و مانقدر نستغنى عنها، بس إنتي ماقريتي شكلج أول بوست نزلته..

أنا ليش مسويه هالشي عشان أول شي إنظف جسمنا، أنا شايفه حلقه في أوبرا الناس كيف بعد إسبوع من اتباع النظام تغيروا للأحسن، و للأفضل.. و بعد فترة شفت المدربة كنت أكلمها و طلعت فيجيتيريان ..

ف أنا الحين قلت أبا أجرب بس طبعا لازم أحاول أعوض ما باكل لحم لازم آكل أشياء فيها بروتينات تعوض عن اللحوم و أستبدل الحليب بحليب نباتي و الجبن بعد .. بس أنا نظامي مسموح أدخل فيه بيض و سمج .. !!

و أنا حاطة 3 أنواع من النباتيين و كل واحد يختار .. !! و أنا إخترت النوع الثاني ..

فأنا و القروب اللي ويانا نبا نعرف شو النتيجة اللي بنحصل عليها بعد إسبوع .. هل بتكون في تغييرات أو لا ؟؟

و اللي عدال الذرة هذا الهليون .. بعد وايد زين للجسم ..

maha يقول...

صحيح اني مو مسويه رجيم ...........

بس بتابعكم حمستوني على النتايج شغلكم مرتب ماشاء الله

AM.SA.CHANNEL يقول...

مشكوووورة مها ..

و إنشووفج دووم إن شاء الله