اليوم الثاني
اليوم البوست خالي من الصور، مارمت أنزل شي ضاربني صداع قوي، ما أعرف من شو، أقول يمكن مفعول التنظيف يسبب صداع، لأني تقريبا ودرت وايد أشياء و أتوقع إنه منه .. !! بس يالله أهم شي إنه جسمي ينظف ..
اليوم ريوقي كان عباره عن
مـوز، و كورن فليكس مع حليب الصويا و عسل، و الصراحة أنا إنصدمت من شكل حليب الصويا ما توقعت جي لونه، أشربه كنت قبل بالكاكاو بس ماشفت شكله ، ولوونه مب أبيض .. و سويتلي بعد عصير جزر وتفاح و كرفس .. !! الكرفس طعمه الصراحة أستغفر الله بس أحطه لأنه مفيد و يساعد على الحرق.. !! بس حطيت شوي ..
و على الضحى شرب حليب صويا بالكاكاو ..
و تغديت عيش أسمر مع خضره مفوره، و كنت أتحسب ماشي صالونة و عصرت على العيش طماط و بعد ما تغديت إكتشفت إنه شي صالونه ..
و العصر كلت مكسرات و شيبس .. !!
و العشا كلت خبزتين عليهن شكر من خبز " الجباب " و معكرونة خضرة .. بس أحس إني مصدعة و ضاربتني لوعه ما أعرف هل جسمي قاعد ينظف أو شو ما أدري مع إني متأكده مب ضغطي نازل لأني كل شوي آكل رطب .. !!
و أحس إني مشتهية آكل فاست فوود هالشي الغريب مع إني من زمان ماكلته .. !!
و لو آكل ما أشبع ما أعرف ليش ههههههههه .. الله يعيني و يعينكم 5 تيام باقي ...
الله يخليكم خبروووني شو سويتووا ..
هناك 4 تعليقات:
الصراحه انا متضايقه من نفسي، كل يوم أخبص بشي بسيط
ماشاءالله عليج التزمتي
لكن انا وايد خبصت وبديت احس بالصعوبه اللي يحسون فيها النباتيين
والكرفس ×_× ااااه يالكرفس طعمه قوي جدا
علايه لو تخبصين كملي لا توقفين ... من جي أقلكم كتبوا في مدوناتكم مب لازم تحطون صور على الأقل لو تكتبون شو سويتوا و حاولوا تكملون ترا مب سهل الصراحة أنا توقعت هين لكن صدق حسيت ماعندي إختيارات .. بس الحمد الله قدرت أكمل ..
كلنا نغلط و نخبص حاولي تلتزمين باليوم الثالث ..
و نحنا قلنا قبل ما رمتوا على الثاني شوفوا النوع الثالث من النباتييين ممكن إدخلين حليب ..
-------------------------
tammy
كملي كملي باقي 4 أيام و أنا الحين بكتبلكم شي بيحمسكم صدق ..
و لو تكتبين حتى لو سطر واحد في مدونتج عن هالنظام وشو اللي خبصتي فيه و شو بتسوين حق باجر، و تتعهدين بأشياء ما بتعيدينها بتلاحظين الفرق حتى لو كان 10% .. بس إنتو كملوا و بتلاحظووون ..
و الكرفس الصراحة كعمه أستغفر الله لكن ابا اتعود على طعمه واايد زين
إرسال تعليق