الأربعاء، 30 مارس 2011

ماركس أند سبنسر






ذهبت مع بنت خالتي، إلى ماركس سبنسر، لتشتري بعض الحاجيات، و أنا توجهة لقسم الأكل، على أساس أنني سأشتري بعض من الأطعمة من هنالك، و لكن لم يكن هنالك الوقت الكافي فإشتريت وجبات خفيفة " سناك " .. على الأقل أخذت شيء بدل لا شيء ..



مـكــسرات 
الجميل أنه صغير الحجم تحمله معك أينما تذهب، و تضعه في الحقيبة في السيارة أي مكان، و الأجمل من ذلك أنه بحجم قبضة اليد تقريبا.. دهون المكسرات جدا مفيدة للجسم ..





 محتويات المسكرات من الداخل 




أنا موول ما أحب الزبيب حاولت واااااايد أجربه مارمت حبه وبس ما أزيد لكن الصراحة اللي لفتني الكلام اللي على الكرتون و ضحكني الصراحة 
" Ugly but loveable" 





و توقعت في كل علبة 5 حبات زبيب لكن " طلع مدحوق " خخخخ .. ممزور ماشاء الله ..

بس الطعم كان حلو، تقبلت الطعم الحمد الله ..




الشاي الأخضر، الصراحة عيبني شكل الكرتون قلت بجربه، أنا من محبي كل أنواع الأعشاب أحب اجرب .. 



شاي البابونج 



هذا الكاكاو ما توقعت يكون طعمه لذيذ الصراحة، لأنه عبارة Chewy  و اللي صدمني أكثر كنت أتحسبه يحتوي على 150 سعرة حرارية، لكن طلع 500 صدمة الصراحة، بس عادي باكله إذا أسوي رياضة مب مشكلة ..



بس تدرون أهم شي إنها ما تحتوي على ألوان ولا نكهات و لا هالخرابيط، برايه نسبة الكالوري مرتفعه، بس على الأقل تاكلون شي أنظف شوي من الكاكاو العادي .. صح أو لا ؟؟



أحب الشاي الأحمر، و أسرتني كلمة " أورجانيك " عشان جي إشتريته



سويتلي شوية شاي أخضر قبل الرياضة ، وي أريح بعد التصــــوير .. 



يا سلام يا حلاته شاي أخضر مع حبة كاكاو بدال الكوفي، على الأقل هذا مافيه نسبة كافيين .. شاي أخضر و كاكاو يعطيني طاقة قبل الرياضة ..



حــــــــــيـــــــــــــــــــاكم 



هناك 10 تعليقات:

Engineer A يقول...

عليج بالعافية :)

رورو الشخبوطه يقول...

حلو ماشاءالله..

احب التجارب..

وشوقتيني ع الكاكاو بس وايد كلوري وحجمه نتفه صح؟؟

AM.SA.CHANNEL يقول...

Engineer A

الله يعافيج

رورو الشخبوطة

الكاكاو عيبني الصراحة، و فيه نسبة كالوري صح بس مب مشكلة ما باكله كل يوم و ثاني شي بعوض في الرياضة و أهم شي إنه مافي ألوان و لا مواد حافظة .. بس طبعا ما برد آخذه بيخرب عليه إلا يوم بكافئ عمري

DoDoq8 يقول...

حبيييت المدونه وحسيتها بوقتها


انا نازله 19 كيلو بس حاليا ماني قادره اسوي كنترول على نفسي

متااابعه

AM.SA.CHANNEL يقول...

ماشاء الله عليج، لا تقدرين حاسبي إنتي منزلة 19 حرام تردينهم ..

purpleyah يقول...

عيبتني سالفة المكسرات في العلبه الصغيره الجاهزه انا كنت ماخذه علب صغيره اعبيهن مكسرات و زبيب بروحي وطبعا سويت هالحركه كم يوم واتعايزت فبمر اخذلي من هالمكسرات والزبيب حلو خاصه للي يشتغلن يحطنها في اللانش باق مالهم

بقترح عليج اقتراح ما ادري انا طبقته

لاني اسمع وايد عن فوايد السمسم قريت معلومات عنه في النت وانه يحتوي على زيت مفيد للجسم طبعا ناسيه نص المعلومات بس المهم مفيد وايد فشو سويت استبدلت الشوكليت والحلاوه بحلاوة السمسم تحيدينها مال اول اللي في جيس بلاستيك شفاف انا تعيبني صراحه فقمت اشتري منها واحاول التزم اني في اليوم اكل حبه وحده بس (اغلب الوقت اخورها واكل كمن حبه) المهم افيد من الحلاوه

AM.SA.CHANNEL يقول...

أنا أعرف للسمسم فوايد بس مووول ما إفتكرت بحلاوة السمسم و هي أعرفها منو ما يعرفها ..

تصدقين بسوي جي، لأنه انا السمسم آكله جي عشان فوايدة و ساعات أتهايز بالذات قبل الرقاد .. بس والله زين قلتي ببدا أشتريه الحين ههههه

خاتون يقول...

السلام عليكم...

بسم الله الرحمن الرحيم

نطريني... شو بلاج ستعيلتي من وراي جيي
ابغا أفتر بالمدونة عدل
فبأجل لباجر بقية المواضيع
لأنه يبيلها دراسة حسب نظرتي الأولى

سين: كم سعرة حرارية نحتاج باليوم؟
وعليج بألف وستين عافية
والزبيب له كثير من الفوايد
بالذات للذاكرة والتفكير
لاحظت أنج دايما تدمجين الحلويات والشاي الأخضر
يعني تجرحين وتداوين هههههه

موفقة حبيبتي ^_^

AM.SA.CHANNEL يقول...

ههههههههههه و الله ظحتيني يا خااااااااتووون، شكلج إنتي طالعة على خالج نسيت إسمه اللي سوالفه حلوة و إظحك ههههههههه ..

هي لاحظتي هالشي، أنا أحب هالسوالف، على الأقل الجاهي أحسن من القهوة و العصاير البيبسي و هالخرابيط، العصير مفيد لكن اللي أقصده إنه العصير في نسبة شكر و سعرات حرارية مرتفعة، على عكس الجاهي .. فعشان جي أعوض ههههه

وعد يقول...

حلوووه فكره المكسرات كامسليات بدل الشبس والكاكاو لانها مفبده ومافيها مواد مصنعه

عجبني تصويرك ماشاء الله حلوو

خصوصا اخر صوره ^_^

موفقه حبيبتي