الجمعة، 12 أغسطس، 2011

صدمة ما بعدها صــدمة





ما تدروون كيف مقهوورة، لكن الحمد الله إني عرفت الحين بدال ما أتم جي .. 


أنا الحمد الله منبدا رمضان و أكلي منظم و ما أودر الرياضة أسير اسوي رياضة قبل الفطور.. و حتى لاحظت الجسم يتغير أسرع في رمضان و تحرقون أكثر، و سمعت مرة دكتور يقول، اللي يبا يسوي رياضة في رمضان يسوي قبل الفطور لأنه نسبة السكر تكون نازله في الجسم و يوم يسوي رياضة فهو هني مايحرق سكريات أكثر يحرق الدهوون أكثر .. طبعا لا تسوون في رمضان رياضة عنيفة تكون رياضات خيفية كالمشي و الهرولة لكن إذا جسمكم ممكن يعطي مافيها شي .. 


المهم الحين بقولكم شو السالفة، أنا مب عارفة شو سالفة وزني تقريبا من 4 إلى 3 شهور مب طايع ينزل و أنا أصلن ما أخبص ولو خبصت بخبص مرة في الإسبوع أو إذا كنت طالعه مع  ربعي ولا أكلي زين معتدل .. و بالذات في رمضان الحمد الله أول رمضان يمر عليه و أكلي زين لا تخبيص ولا شي .. لكن على هذا كله وزني يا نااااااااااس مب طايع ينزل .. 


و طاعوا الصدف، أنا كنت سايره النادي ولابسة كنت بنطلون وسيع شوي، فالمدربة قالتلي إنتي متنتي شوي إنصدمت يوم قالتلي قلتلها لا ما متنت و أنا ما آكل وايد و نزل كيلوا و رد نفس الوزن شو السبب ما أعرف لكن ثابت مايتحرك مووول ..  عذبني .. 


جان تقولي جسمج ما بينزل لين ماتسويله صدمة .. أنا إستغربت شو يعني صدمة، قالت يعني جسمج خلاص تعود على نوعية الرياضة اللي تسوووينها الحين جسمج يحتاج صدمة رياضة غير عشان يتفاجأ و ينزل و هالشي ما بيستوي إلا مع مدربة..  


و أنا الصراحة إنصدمت ما كنت أعرف بهالشي لازم أصدم جسمي .. !! و إنشاء الله يتقبل الصدمة و حددت معاها شهر 9 نبدأ .. 


يا حلوين اللي ملاحظ إنه ثابت و مايتحرك و يحاول دوووم، يصدم جسمه هههههه مثل ما بتصدم جسمي .. 


و أنا طبعا قلت ما بتريا لين شهر 9 من الحين ببدأ أصدم جسمي .. 












وحطيتلي هدف بعد 15 يوم، مب هامني الوزن الحين، عندي بنطلون ضيج من فوق مايبند، أنا بعد 15 يوم لازم أخليه يبند على الأقل لو عقمه وحده و من اليوم ببدأ بصدم جسمي .. 


منو حاب يشاركني و إنشوف شو بيستوي بعد 15 يوم، و عندكم يوتيوب اللي حاب يدورله تمارين هو مب متعود يسويها .. 


أو يسوي هالتمارين بنشوف الجسم بينصدم أو لا ؟؟

هناك 10 تعليقات:

رورو الشخبوطة يقول...

اممم وشنو احسن رياضه للشد ..

وتنزلين وزنج وانتي بصحة وعافيه يارب..

AM.SA.CHANNEL يقول...

أي منطقة تبين؟؟

أنا قلت لين شهر 9 ببدا أسوي هالتمارين على و عسى يتغير شي، إكتئبت من الميزان ههههه، خل أشكل جسمي أحسن ... و مسوي تحدي البنطلوون أنا أو هوو

shosho يقول...

متاابعتج بصمت منذ فترة :P

كيف يعني صدمة؟؟
تغيرين نوع الرياضة ولا كيف؟

يعني لو انا اسوي ايروبيك دووم
الافضل اني احوول للمشي او للرقص مثلا

انا سمعت وحدة تقوول .. انها بتوقف رياضة اسبوع وعقب بتردلها لان جسمها تعود فما قام ينزل وزنهاا!!!

Made n Q8 يقول...

كافي صدمات بحياتي :P

على طاري الرياضه توها اختي شاريه جهاز مشي ومشالله كل يوم تمشي نص ساعه اول شي ماكان وزنها ينزل بس بعدين شوي شوي قام ينزل

AM.SA.CHANNEL يقول...

shosho

يعني تغيرييين طريقة الرياضة اللي تتبعينها، لأنه جسمج تعود على هالنوعية من الرياضة، و هالشي يستوي دايما مع اللي ينزل وزنهم وايد و عقب يحسون بصعووبة في إنهم ينزلوون وزنهم، فلازم تغيرين نوعية الرياضة لأنه الجسم تعود على هالرياضة ف ما بيستجيب في هالحالة لازم تغيرين لأنه بينصدم من نوعية الرياضة اللي تتبعينها، ولو تلاحظين هالشي يوم تسوين رياضة يديدة تحسين بألم في كل جسمج و هذا معناته إنه جسمج بدأ يستجيب ..

و نفس ما قلتي إذا مثلا إنتي متعودة على نوع معين من الأيروبيك غيريه على نوع إنتي ماجربتيه هني تسوين صدمة لجسمج فيستجيب .. !!

فأنا قلت بجرب هالتمارين لين شهر 9 بشوف جسمي بيستجيب أو لا

و على فكرة حتى الأكل غيرته قلت بشوف يمكن بعد لازم أصدم جسمج بالأكل هههههه ..

AM.SA.CHANNEL يقول...

made in q8

ماشاء الله زين، شوي شوي و ينزل الوزن، بس أنا أحتــــاج صدمة ههههه من زمان أسوي رياضة و ثبت وزني أحتاج أنزله ..

بس المشي واااايد زين ..

علايه يقول...

انا جربت الصدمات في مجال الاكل ( طبعا مع اخصائية تغذيه لانه ما ينفع الواحد يسويه بروحه)

بس اول مره اسمع عن الصدمة فالرياضه

المهم

سيروا ونحن من ورائكم

خاتون يقول...

السلام عليكم...

مبارك عليج الشهر وتقبل الله

مشكورة حبيبتي وايد فدتيني في هالبوست
أنا مشكلتي أني ما فيني دهون وايد لأني ضعيفه نسبيا بس ودي أنزل جم كيلو وعلى كثر ما أحاول أنزل ما في فايدة فإن شاء الله نظام الصدمة يفيدني

AMSACHANNEL يقول...

علايه

و أنا سرت وراج و جربت صدمة الأكل هههههه و خربت كل شي بعد ماشفت النتيجة .. شوفي البوست و بتعرفين ..

-----------

خاتون

هلا و الله نورتي، من زمان ما مريت صوبج .. شحالج خاتون ..

لا بتروومين إ|ذا إستمريتي و سويتيلج نظام أكل .. لككن إذا مافي فايدة أنصحج تحطين مدربة .. بتعرف تنزل وزنج

غير معرف يقول...

السلام عليكم ممكن اسال اني جسمي حلو بس عندي المشكله بالجوانب وشويه بالكرش فهل جهاز الايبروكت هو الحل ان وزني 72 وطولي 154 وعمري 20