الجمعة، 23 سبتمبر، 2011

و بدينا النظام اليديد



السلام عليكم شخباركم ..

و الله لهيت الفترة اللي طافت وايد كنت مضغوطة، و كل شي عندي يبالها تصليح هههه اللابتوت و شكلي و تليفوووني .. مقطوعة عن العالم .. !!


المهم بخبركم عن نظام الصدمة، أنا الصراحة عمري ماعرفت لهالنظام و عمري ما توقعت إنه بيي يوم و بصدم جسمي ..

الجسم بعد ما يخسر وزن معين يعلق و ما يتحرك و يتم ثابت و شو ما أسوي من الرياضة ما يتغير .. ليش؟ لأنه الجسم تعود على نظام معين و تعود على أكل معين، مستحيل يتغير و أنا 4 شهور رياضة عادي بالساعتين أو الثلاث يوميا ما عدا الجمعة و أكلي عدل أحافظ عليه ..

لكن إكتشفت بعد الصدمة إنه هناك عادات نتبعها نعتقد إنها صح و هي في الأساس غلط، و إكتشفت إنه الجسم ما أعود على شي معين إذا بغيت أظعف ..


أنا ما عرفت هالشي إلا من المدربة يوم قالتلي لازم تصدمين جسمج و لازم مدربة عشان تقدرين تصدمينه، و حطيتها في النادي و بديت وياها و كل يوم تسويلي تمارين تختلف عن التمارين اللي قبلها، و كانت توزني كل يوم عشان تعرف وزني نزل أول لا ؟؟ فكانت تستغرب إنه ماينزل بالكيلو و هي متوقعه إنه ينزل كيلو على اليوم الثاني أو الثالث بس كان ينزل جرامات و الوزن نفس ماهو..

و أنا ما كنت مسويه نظام صدمة لأكلي و المفروض إني أسوي، و كنت ماكله من سب وي وقالتلي تقطعين الخبز هالفترة و علامة إكس و ممنوع أتقرب من هالثلاث أشياء العسل و الفواكه و الخبز المغرب .. لأنه هو السبب و هو اللي مايخلي وزنا يتغير..

و تخيلوا أنا كنت راده تعبانة و ماتعشيت بس شربت حليب فيه عسل وقالتلي هالشي غلط و مابينزل و تخيلوا بمجرد ما إني قطعت الخبز هالأسبوع و قطعت الفواكة المغرب و العسل جسمي تغير و نزل 3 كيلوا ..

و لازم أغير في الريوق أتريق كل يوم غير عن الثاني .. أنا متعودة أكل كورن فلكس الصبح قالتلي كل 3 تيام مرة آكلة ..
و كنت مستصعبه كيف آكل روب على الريووق أحس شي غريب .. بس الحين تعودت أحسبه عادي و بالعكس أحس ساعات أحسن عن الأشياء الثانية آكل روب مع موز اليوم الثاني كورن فلكس اليوم الثالث 2 بياض البيض مع أي شي تبوونه ..

الحين قالتلي مسموح الخبز لكن بحدود .. و أنا شو سويت البارحة لأني من عشاق الخبز خبصت و كانت عنا يمعه البارحة و كلت خبز .. بس الحين بأدب عمري و ما باكل خبز هالإسبوع عشان أتعلم و ما أخبص .. بالذات العشا إكتشفت إنه هو أخطر وجبه الصراحة .. المفروض نتعشى الساعة 7:30 مب 9 أو 10 من جي ما نضعف ..


و على فكرة كل شي تغيريييينه يوم بتاكلين أنا هالمرة كسرت شربت سكيمد و احين أشرب لو فات يعني أنوع ..

و أنا أنصح كل وحده عقت واايد من وزنها و ثبت ما تحرك تسوي نظام الصدمة في الأكل و في الرياضة و أنا أفضل مدربة في الرياضة و الصراحة بتلاحظووون النتيجة ويا المدربة حتى الجسم يتغير ..


و حتى اللي الحين يسوي يجرب ينوع في الرياضة لأنه الجسم يوم كل يوم تنوعين الرياضة وياه مثل اللي تفاجئوونه فالجسم يستجيب بسرعة ...



هناك 5 تعليقات:

غير معرف يقول...

معلومات اول مررة أعرفها بصراحة..تسلمييين..

أنا كنت اسوي رجيم<تخفيف وخسيت6كيلوا (في شهر ونص)وبعدين ثبت مو راضي ينزل..انقهرت وقلبت نظاامي كلله صرت ماسوي رياضة وبطلت تخفيف صرت آكل دسسسسم<<نذالة؟..وبعدين رجعت نظامي ونقصت نص كيلو..<<بس كانت عزيمتى اوف..وقلت من بكرة بآبدأ مع دكتور تغذية=)حمسسيني يختي=/
^_^محآآسـن^_^

AM.SA.CHANNEL يقول...

كتبت تعليق طووووييييييل و إنمسح ...

المهم ..

إنتي المفرووض كنت لازم تستمرين يمكن كانت عندج العضلة تنمو و إذا كبرت العضلة ترى تزيد الوزن لكن بعدين ينزل الوزن ... لأنه إنتي شكلج توج بادية ..

و المرة اليايه مهما كان، حاولي تستمرين حتى لو مانزل كملي لأنه في النهاية بينزل .. !!

أنا مثل ما قلتلج 4 شهور و ماينزل ولا كيلو هلكت من الرياضة ..

بس يوم إكتشفت الصدمة بدا وزني ينزل الحمد الله .. و تغير جسمي و ترتب للأحسن و الترهلات واااااايد خفت و جسمي يبس تغير للأحسن ...

و أنا أنصحج الصراحة تستمرين في الرياضة على الأقل خبصتي في الأكل لكن تسوين رياضة و محافظة على وزنج و ما يزييييد و خلي الرياضة روتين حياتج .. و إذا إستوت رووتين حياتج خلاص ماتقدرين تعيشين بدوونها ..

و أنصحج بعد في هالحالة تسيرين عن دكتورة تغذية على الأقل لو علق الوزن ممكن تستشيرينها و أنصحج تحطين من البداية مدربة رياضة في النادي أحسن عن البيت لأنها بتجاوب على كل تساؤلاتج و بتعرف إذا إنتي كنت مخبصة أو لا في الأكل و بتعرف إنه هاي عضلة أو لاعبه و بتعدل و بترتب جسمج صح .. !!

و مشكوورة على التعليق و المرة اليايه حطي نيك نيم عشان أعرفج المرة اليايه ..

علايه يقول...

أنا من فتره علقت على موضوعج بس بعدين مادري شو صار و انحذف

انقهرت من كمبيوتر الدوام

المهم

انا وزني بين صعود و نزول، و داومت فالكليه، يعني ريوقي فالدوام و غداي فالكليه،و مرات اتعشى عالمغرب و مرات ارد البيت و أكل اي نوع من الفواكه و انام من وقت

قوليلي، بقدر اني اخفف من وزني و انا غداي يوميا صب واي؟

هذا نظامي حاليا:
الريوق: حليب و كورن فليكس
سناك: فواكه
الغداء:صب واي
سناك:كابتشينو أو عصير فواكه
العشاء: فواكه أو اللي موجود جدامي

تدرين ، الصراحه ، لاحظت انه بناطليني ضاقت وايد عليه، و السبب اكيد من كابتشينو ستار بكس، اشرب حول ال3 يوميا، لاني محتاجه شي يعطيني طاقه، امممم، احس عمري اني ادور اعذار

لو قدرت اضبط عمري بالنسبه للكابتشينو، بس بعدني اتغدى يوميا من صب واي، هل بروم اخف؟

AM.SA.CHANNEL يقول...

شوفي علايه، حاااااااااااسبي من الفواكة فليل و الخبز و العسل ... هالأشياء تمتن فليل و نحنا ما ندري و يالسين ناكل .. على بالنا إنها صحية و ما تضر و مافيها لا دهون و لاسعرات حرارية ...

و جربي تودرين ما تاكلين خبز أو فواكة فليل و بتشوووفين الفرق ..

واااايد 3 أكواب كاباتشينوا حاولي تخففين .. بس بالتدريج .. يعني شربي 2 كابتشينوا و عقب شربي بلاك كوفي ..
شوي شوي لين ما تودرينه، و إنتي أي نوع حليب تستخدمين ..

و أنصحج نصيحة فليل كلي دياي مشواي أو شيش طاووق مع روب أو سلطة و شوفي بطنج كيف بيتغير للأحسن ..

أما عن السب وي هو أحسن من الفاست فود بس أنصحج ما تاكليينه كل يوم كليه مرتين في الإسبوع و الظهر بعد مب فليل .. و لو تاكلين شوي من وقت أحسن ...

meondiet يقول...

موفقه حبيبتي صار لي فتره احاول اكتب تعليق بس ما تضبط
مشكووروه على هالكم الحلو من المعلومات ومشكوره لذكر مدونتي :***